2012 17 FEB 爭女特務王 This means war

近期睇左幾部有Oscar提名的電影, 係時候搵番一D, 唔需要用腦, 唔需要感動到喊, 更加唔需要滿載人生道理的電影,  但求笑下,  有刺激的槍戰場面的電影, 減下壓! " This means war " <爭女特務王>, 公式化的HOLLYWOOD 搞笑動作片.  兩位cia agent 動用國家資源去追女仔, 刺探情敵, 你帶女仔去玩War Game, 我帶她去睇名畫, 你飛車, 我陪她玩動物, 總之奇招盡出 ,  博得觀眾笑聲不絕,  重色輕友,  所謂君子協定蕩然無存,  後來,  二人在生死關頭再度攜手合作,  就知道對方是如此重要的, 橋真係唔怕舊,  最緊要打得熱鬧.  男主角 Chris Pine, Tom Hardy. 我只係對 Chris Pine有印象, 因為我睇過佢演Unstoppable. 今次扮型仔特攻, 佢個樣好似Michael Weatherly+Ian Somerhalder的混合物, 戲內性格就似Tony+Damon. 我個人覺得選錯女主角,  Reese Witherspoon 的樣貌未至於令到好多男人一見傾心, 令兩個AGENT " 兄弟反目"都要追到她, 還是欠缺說服力吧!  見到導演的名字是McG, producer of Supernatural , Chuck , Nikita, 今次唔做監製, 轉做導演, 以一部搞笑動作片黎講,  McG是一名合格導演.  呢部電影令我感到有D 唔自在,  就係開場, 講罪犯在香港犯案. 仲乜拖香港落水@@