2012年6月3日 白雪公主之魔幻復仇記Snow White and the Huntsman

Kristen Steward當白雪公主, 完全唔係我心目中既snow white, 佢演殭屍好D. 單睇造型, 一副戰鬥格, 仲以為係 Joan of Arc 呀!  爸爸要睇, 我勉為其難, 陪佢睇. 電影前半部, 陰毒皇后加黑森林, 格局似恐怖片, 不過, 又唔係好恐怖. 後半部, 仙子世界那部份, 都有番D 童話FEEL. 2012年既 Snow White 唔再係以前迪士尼個種, 公主只會被人欺負, 依家女性獨立堅強, 於是故事亦變成 "有仇不報, 非公主",  snow white 拔劍反擊 . 公主王子這配對, 亦顯得不合時宜, 依家好多國家既皇室成員都娶或嫁給平民, 於是電影內的公主就愛上獵人, 王子之吻喚不醒公主, 反而獵人才是公主最愛.  呢種故事改動, 確實與時並進. 電影中的視覺特技效果及配樂好出色, 飾演皇后的Charlize Theron非常搶鏡,  陰險, 霸氣, 哀傷, 飲恨都掌握得好好, Kristen呢位白雪公主完全比下去, 來來去去, 兩個表情. Chris Hemsworth 就好適合演呢個獵人角色, 感覺同雷神差唔多.