2010年6月1日 Aurora Borealis DVD

故事主要講兩爺孫. 故事根據編劇自己跟爺爺相處的一些生活點滴改編而成, 很有實感. 而 Joshua Jackson 很喜歡此劇, 可能他跟角色一樣, 很少的時候已沒有父親, 青少年期間一團糟, 長大後, 當然會有轉變.  呢部電影, 主要都係睇下D演員既演技, 特別係Donald Sutherland 演爺爺, 超級棒!!!!!  有一場戲特別深刻, 是爺爺要求個孫幫自己自殺. Duncan拿著鎗, 爺爺想用腳趾頭 pull the trigger. 而爺爺所住的大廈 , 鄰居全是老人家. 而孫仔Duncan 就是負責大廈的維修工作, 幫助一班老人家.呢套電影除左有爺孫情之外, 當然有愛情線. 爺爺好錫個孫, 當看護來的時候, 爺爺就不斷讚Duncan好乖,  希望個看護唔止照顧佢, 仲幫佢睇住個孫仔.

2009年12月25日--十月圍城

<十月圍城>情節緊湊, 甄子丹打得勁.  每位演員都做得好, 但謝霆鋒最搶戲, 他演出好精彩. 忠義既阿四又好有說服力, 那幕少爺重光, 叫他陪他走最後一小時, 我第一次睇, 真係喊左出黎.  在<風雲2>演陰險既絕心又出色, 謝霆鋒是影帝之才, 好似我爸爸, 昨晚跟友人吃飯, 他們全都讚霆鋒在<証人>的演出, 其實好棒. 我認同架. 霆鋒是一位出色兼好演員, 影壇希望黎架. 我唔係佢FANS, 但真的好欣賞佢. 黎明演叫化子, 還是突破, 但在他身上, 用得慢鏡太多, 令到有D位, 好GAG.  仲有一個黑長衫站在樓梯那一幕, 扮相看似華英雄咁, 最幣呢部叫<十月圍城>. 李嘉欣那一幕都怪怪地.  

<十月圍城>, 有人為了中國而戰, 為了親人而戰, 為了愛人而戰, 為了老闆而戰, 力戰至死的決心, 真的令人佩服, 也感嘆我們的自由, 幸福, 是前人用血用淚, 犧牲了很多, 才換到今天. 大家要惜福, 珍惜.   

2009年12月12日 電影<風雲>2

等左十幾年, 終於睇到<風雲>2. 我唔係漫畫迷, 但十幾年前, 睇左<風雲>, 聽左個廣播劇, 對<風雲>既故事都幾有興趣.  後來都睇左內地電視劇<風雲.>. 可能, 先入為主, 我真係覺得伊健好似聶風, 郭富城好似步驚雲.  

<風雲>2 , 可以講係無乜劇情. CG特技場面真係好震撼. 但故事無前無後, 當看見聶風第一句跟第二夢說的話是:"我們終於見面", 真係O哂嘴. 前面都沒有任何交代. 如果唔係睇左雜誌, 及電視的電影廣告雜誌, 又或者無睇過<風雲>漫畫, 你真係完全唔知 人物既關係, 更加唔會感動.睇外國套<龍珠>, 已經覺得好唔得, 但都仲有D劇情. 彭氏兄弟, 請下次再拍改編漫畫既電影, 一定有D劇情, 要有D人物描寫.

其實我等左十幾年, 都係想睇聶風入魔乍. 話說N年前, 買了"蜀山之仙侶奇緣"VCD, 睇到伊健演既石生, 入魔. 我覺得如果佢再演聶風入魔, 應該會更好睇. 今次睇佢入魔, 殺了楚楚, 咧嘴一笑, 那個陰險既笑容, 掌握到神髓. 

鄭伊健是一名可塑性甚高的演員. 他很多電影, 我都會入戲院睇, 但他好多電影, 睇完都唔會記得. 我等緊佢的突破. 希望佢能夠遇到一個有發揮機會的劇本.<古惑仔>令鄭伊健在電影界走紅, 我都睇足七部<古惑仔>, 但他的演戲潛力, 不只局限於此. 在<三岔口>, 我覺得佢演得好過郭富城, 雖然羅嘉良仲好過佢兩個. 另外, <第一誡>, 我想是片種問題, 所以伊健只可以在韓國富川影展當影帝. 其實, 佢演既黃SIR, 好正架.  所謂"正", 唔係帥. 黃SIR是有點胖, 做警察好似意興闌珊, 其實好有HEART,  常帶點醉意, 但眾人皆醉, 我獨醒的模樣.  佢同車婉婉那場TANGO, 都好精彩.  好少見鄭伊健, 做呢類角色,都是一個突破.  他內在演戲潛力不少, 有待發揮.

在鄭伊健演的電影之中, 有兩句對白, 我好記得, 亦會常提醒自己.

<風雲>  : 聶風阻止步驚雲殺雄霸: "凡事去得太盡 , 緣份誓必早盡."

<天行者> : 葉秋: "還別人心願, 如還自己心願."    

2009年3月22日 禮儀司之奏鳴曲

跟朋友去看 "禮儀司之奏鳴曲",  看來舒服又感動的電影

故事描寫得好細節, 其實禮儀司是令人敬佩, 可以把遺體打扮得整齊, 有尊嚴地去到另一個世界, 讓人生劃上一個完滿的句號. 令到在世的家人有點安慰. 我朋友同一些觀眾睇到喊, 可能我近日真的喊得太多, 今次無喊, 但都覺得好感動.

當看到男主角好認真為遺體清潔同化妝, 你會感動的. 但故事並不沉重, 只是探討一d問題, 但唔深奧, 唔會讓人有說教既感覺, 當中亦有"笑位", 讓你發出會心微笑. 如男主角去見工, 以為是去旅行社見工, 男主角第一次接觸遺體後洗澡.......而且我好喜歡石頭信的情節. 石頭沒有字, 但大小,滑面或是粗糙, 代表一個人的心情.

配樂亦好正, 好舒服, 唔會帶畀人憂怨既感覺  

2009年1月-- 1月10日

星期六下午跟父親去找林醫生商量一下佢間診所裝修既事，後來因為個鐵閘問題，父親同阿林在拉鋸，各有立場意見，我最無耐性．忍唔住出聲，畀了意見，才告一段落．

跟父親吃餃子，椰菜豬肉餃好好味，難得父親也說好吃．

到銅鑼灣看了羅永昌導演，游乃海編劇既　”機動部隊之同袍”，部片的內容蠻有意思的，說一ｔｅａｍ人，　大家都不滿對方，有ｄ無用，有ｄ太迷信，有ｄ太自負，其實每人都有缺點，但大家唔團結，最後在山區遇上悍匪，最終把這一盤散沙聚在一起，團結把賊仔拉了．

一ｔｅａｍ人做野，每人都有優劣，要包容一下，互補不足，互相指罵，對件事無幫助，最重要係有ｔｅａｍ　ｓｐｉｒｉｔ，大家齊心，才能事成．片中最抵死，係有人不斷在寫”天下太平”，同埋改了首”天蠶變”的詞來道盡警察辛酸．不錯的電影．

晚上亦看了The Curious Case of Benjiman Button" ( Brad Pitt and Cate Blancette)

講畢比特出生時好老，後來越來越年青，我就覺得好悶，可能我依家既心態領略唔到佢既深層意義

2008年4月14日 一個好爸爸

張艾嘉導演＜一個好爸爸＞，父女生活點滴，已令我好感動．主角李天恩寧願下半生孤獨，也要讓女兒幸福，真係好偉大．劇中，有句對白，就係因為老婆讚李天恩”偉大”，所以李天恩就義無反顧為個囡囡做任何野．為了女兒，戒講粗口，做正行，忍著痛楚改了虎頭紋身，領洗．．．．．．是生活細節，但以李天恩這個江湖大佬，做出來就令更感動．呢部電影好多對白精警，唔知係米跟足原著小說，”十個古惑仔，九個衰到底”，”人求我三月春，我求人六月霜”

用了漫畫式來交代李天恩的惡夢－江湖追殺，用教堂舉行李天恩喪禮，好似代表李天恩終於可以得到寧靜．而最後個結局，真係令我眼濕濕．因為李天恩隱姓埋名，假扮死去，自己孤獨在外生活，連妻女也隱瞞了，讓女兒可以嫁給警察世家，讓妻子再不受困擾．．．

苗可秀既角色潮州英好搶戲，夠豪氣，與古仔的打罵母子情，好有趣，我想現實生活中，好多母子都可能係咁．但看見苗可秀在醫院臨終時，望住自己個仔流淚，我都心酸．古仔同劉若瑛好夾，古仔當江湖大佬無難度．

2008年2月--長江七號

星爺既電影，心中總是有一團火，今次都唔例外，我好喜歡呢部電影．

窮，但唔可以打交，唔可以講大話，唔可以偷野，要有骨氣，要讀書，做個有用既人，雖然係說教，但我接受．

呢ｄ價值觀眾，現今社會可能被遺忘了．．．．

好溫暖的電影，無錢米玩打蟑螂，自得其樂，父親點樣捱，都要個仔讀間好學校，好耐無ｄ咁既電影，加上我同父親既感情亦好好，所以好有共鳴，睇部電影好感動．．

我知星爺會死，但到那一幕，我仍是流了淚來．

今次既電腦特技”長江七號”，係找香港人做的，星爺相信香港人做到．唔駛用外國人，睇完都覺香港人好棒！好彩星爺信任香港既技術，咁香港人才可一展所長．

希望多ｄ電影人畀多ｄ機會自已友．