張艾嘉導演＜一個好爸爸＞，父女生活點滴，已令我好感動．主角李天恩寧願下半生孤獨，也要讓女兒幸福，真係好偉大．劇中，有句對白，就係因為老婆讚李天恩”偉大”，所以李天恩就義無反顧為個囡囡做任何野．為了女兒，戒講粗口，做正行，忍著痛楚改了虎頭紋身，領洗．．．．．．是生活細節，但以李天恩這個江湖大佬，做出來就令更感動．呢部電影好多對白精警，唔知係米跟足原著小說，”十個古惑仔，九個衰到底”，”人求我三月春，我求人六月霜”
用了漫畫式來交代李天恩的惡夢－江湖追殺，用教堂舉行李天恩喪禮，好似代表李天恩終於可以得到寧靜．而最後個結局，真係令我眼濕濕．因為李天恩隱姓埋名，假扮死去，自己孤獨在外生活，連妻女也隱瞞了，讓女兒可以嫁給警察世家，讓妻子再不受困擾．．．
苗可秀既角色潮州英好搶戲，夠豪氣，與古仔的打罵母子情，好有趣，我想現實生活中，好多母子都可能係咁．但看見苗可秀在醫院臨終時，望住自己個仔流淚，我都心酸．古仔同劉若瑛好夾，古仔當江湖大佬無難度．
沒有留言:
張貼留言