昨晚買左<打擂台>隻碟黎睇, 因為係"最佳電影", 所以都要睇下.
初時都好擔心, 自己會不會睇到一半就放棄, 幸而, 睇落都感到好有趣. 可能, 我都有番咁上下年紀, 都FEEL 到部電影既精神.
導演郭子健真係愛懷舊, <打擂台><為你鍾情>都好有懷舊FEEL, 所以對於年長的人, 睇他的電影, 可能某D野, 會好有共鳴.
<打擂台>真的需要一班老戲骨支持, 否則沒有說服力. 梁小龍演阿淳, 最佳人選
.
.
睇過梁小龍演陳真, 硬橋硬馬真功夫, 聽聞他年輕的時候, 一人打一百人都可以. 現在見他演阿淳, 有點英雄遲暮, 慶幸寶刀未老, 依家打得夠勁. 戲裡, 看到他飾演重拾自信及尊嚴的武者阿淳, 好有說服力. 陳觀泰, 羅莽都打得狠, 太極羅生, 真係好搞笑. 邵音音小姐, 戲份不多, 但內心戲好正.
看見TEDDY ROBBIN, 陳觀泰, 梁小龍唱了幾句霍元甲, 又見到曾經演過雲飛揚的顧冠中, 客串飛揚一角, 真係好有懷舊武俠劇FEEL.
睇完整部電影, 感慨於人生處處都是擂台, 就是屢次遇上挫折, 我們還是要為自己的尊嚴而戰. <打擂台>是一部勵志電影. 就是活到一把年紀--還是要有尊嚴的活著, 不要放棄!!!!!!!!!!
沒有留言:
張貼留言