2012年1月29日金陵十三釵

曾經有朋友說過年, 唔睇D血腥場面既電影, 事實上, 我年初二睇呢部電影, 都好易買戲票. 爸爸話百無禁忌, 於是同爸爸睇左呢部殘忍又慘情既電影黎渡過年初二. 電影開場數十分鐘, 槍戰炮火連場, 喜愛戰爭片的爸爸當然話好勁, 我都覺得好震憾, 絕不遜於西片. 雖然有人質疑, 在教會讀了六年英文, 那些學生, 及那名叫玉墨的妓女的英文竟然如native speaker般流利, 完全唔係Chinglish (中式英語), 我就覺得小孩學語文, 好快上手, 可以接受. 反而那名日本軍官一口流利英語, 我才感到奇怪呢! 不過, 我都覺得如果張藝謀導演讓日本人, 中國人說回不純正英語, 如那名青年George, 更貼近當時環境吧! 當年日本軍人殘酷冷血, 濫殺平民, 強暴民女, 睇得令人咬緊牙關, 影片都只係反映冰山一角, 睇過一D紀錄片, 書籍,  灌水割肉, 以中國人當細菌實驗, 親友口述的經歷, 受盡日本的酷刑, 中國人真係比死更難受. 中國人受盡日本人欺凌, 心酸心痛, 但影片某些部份, 令我感到難過的, 是中國人在國難當前, 亦互不體諒. 學生妓女為了洗手間而發生磨擦, 危難當前, 竟然不會守望相助, 為了洗手間這件小事而爭持不休. 教會教導學生歧視妓女的嗎? 另外, 初時有傷兵被抬進教堂, 妓女們一臉不滿及抗拒的樣子, 她們那一刻的咀臉, 展示出一副 "商女不知亡國恨" 的表情. 太討厭了吧! 幸而玉墨帶頭主動幫助傷兵, 其他妓女才接受傷兵留下. 另外, 有一幕, 一名妓女為了玉耳環, 要走回去尋找, 生命危在旦夕, 怎麼會為了玉耳環而冒險? 太不合理,  為了煽情而煽情的橋段. 電影後半部比較感人好看, 妓女替學生送死, 話別場面, 真的令人落淚, 而那名男生George, 也只是十來歲吧, 為了保護女生, 甘願男扮女裝, 代替學生送死, 小小年紀慷慨就義, 令人佩服, 也令人心碎. Christian Bale飾演冒牌神父, 演出稱職.