2012年1月28日繼承大丈夫The Descendants

睇劇情介紹, 以為故事會好沉重, 男主角Matt面對太太垂危, 突然又知道太太有情夫Brian, 兩名女兒反叛難教, 父女關係疏離, 還要處理家族賣地問題, 突然一大堆問題殺埋身, 這類題材, 本來是大搞煽情的好材料, 但The Descendants 卻拼棄悲情, 唔SELL 有幾慘, 男主角處事得體, 電影中幽默抵死對白貫穿全場, 更不會有怒打姦夫等激情場面. Matt本身忙於工作, 太太未發生意外之前, 他跟太太女兒的關係是很疏離, 這次意外, Matt開始承擔關心這頭家. Matt找Brian , 不是翻舊帳, 只希望愛或被愛的人有機會道別, 用心良苦! 尋找Brian的旅程中, Matt女兒的男友Sid, 說話好似 "唔經大腦", 卻產生了不少爆笑位. Matt對愛妻有點恨, 卻有更多的愛, 所以面對外父的責罵, 面對細女, Matt極力保護愛妻的形象,  亦不容許大女對垂死母親說壞話, 這是一份愛與包容, 讓她在父親, 女兒眼中, 是一位好太太, 好母親. 男主角另一個承擔, 是家族土地買賣, 最終他決定不賣祖地, 就如香港保育, 保留一份美好回憶, 亦可以不讓Brian賺得回扣, 一舉兩得 ! 而Matt跟女兒之間的關係, 亦改善了. 沒有嘩眾取寵的情節, 卻是幽默窩心的輕鬆小品.  但我唔明白呢部電影, 點解可以拿到金球獎最佳電影? 莫非是積極向前望的人生態度?  點解George Clooney可以贏到最佳男主角, 我只係覺得George Clooney稱職, 唔係好好演技囉!