2011年2月17日<我知女人心>

<我知女人心>, 看到有人說, 過了這麼久才改編此電影, 言語間, 好像暗諷其過時, 但個人觀感, 此類題材, 永不會OUT, 橋唔怕舊, 只是睇你點改編, 點樣拍法, 能否貼近時代女性的心態.    

我期待此電影, 因為劉德華很久沒有拍愛情小品. 對我黎講, 睇劉華, 睇3樣野. 一是打, 他很賣力, 二是他的淚, 好令人感動, 3是"型".

<我知女人心>當然是想睇華仔"型男談愛情", 但我有一個憂慮, 配音問題. 初時擔心是普通話原裝上, 雖然現在是配上廣東話, 但劉華自己配番, 而其他角色, 也配得生動有趣. 還有另一個問題, 內地幽默, 我只怕唔識笑. 但笑料不俗, 整部電影, 都幾多令人發出會心微笑的笑位, 不落俗套. 劉華扮女人, 又好贊! 雖然我都有睇<暗戰><愛君如夢>, 但呢部, 劉生最神似.

呢類愛情小品, 一定係人靚景靚, 型男當然配美女! 鞏俐飾演美麗的女強人亦恰如其份, 只是此乃喜劇, 鞏俐發揮的機會不太多. 不過, 她跟華仔的愛情, 點到即止, 唔夠過癮囉! 唔好話劉生想, 我都想睇佢兩個既床戲, 可惜欠奉. 本片加入了父子, 父女情, 本意非常好, 可惜寫得唔夠深入, 太過輕描淡寫. 我個人都幾喜歡睇華仔演這類父女戲, 所以都幾鍾意<阿虎>這部電影. 電影裡面首歌<SLIP AWAY>好好聽, 歌詞好適合男主角孫子剛的心態.

<我知女人心>又未算係好深入描寫到女人的心態, 所以最大的吸引力, 還是來自劉德華, 鞏俐. 雖然劉德華戲裡是油腔滑調的花弗情聖, 但略嫌電影還是太過正經.