2011年2月5日賀歲電影<神奇俠侶><最強囍事>

<神奇俠侶>, 早在半年前, 去年暑假, 已有trailer1, 古仔同君如在月球, 跟住第二段trailer2, 他們叫大家關電話,  唔好影響佢地做戲  (呢段TRAILER最好笑), 第三段trailer3是釣了一條大魚, 間屋只可以放魚頭, 最後第4段, trailer4 , 都只是播了少許片段, 說二人想轉工.  半年內, 四段TRAILER, 沒有什麼劇透, 噱頭十足. 宣傳上, 我覺得幾好. 有D電影,   睇完TRAILER, 已經知道部電影講乜,  就唔係幾好.

可惜睇完部電影,  我真係唔知部電影想點!  如果是笑片, SORRY, 我真係無笑過, D TRAILER 好笑D.  如果是文藝片, 夫妻情重, 舖排上, 感染力又差少少, 本來兩夫妻, 做些所謂"無聊"事,  是一種情趣, 顯出恩愛, 但唔夠入肉, 當中又有些枝節減少了感動位. 又有少許特效及動作場面. 配音最突出, 找來鄭中基, 溫超及谷導演自己, 配得生動有趣, 而溫超把聲真的勁似周星馳.

<最強囍事>就似<八星報喜><家人囍事>等電影, 起碼, 我都笑得出. 古天樂那個角色, 就如<八>片周潤發, <家>片張國榮, CAM CAM 地,  不過, 今次古不是真的娘娘腔, 是偽裝, 而劉嘉玲演作家, 也常要扮別人, 來寫作拿靈感. 呢部電影, 都有一個信息, 帶給觀眾, 就是人要做回自己, 不要偽裝別人. 同埋, "愛", 沒有值不值得, 只有"愛"同"唔愛"

甄子丹表現不俗,  不用打鬥, 演化裝師也稱職, 表情不太誇, 但也會令人感到好笑. 他跟古天樂, 及一家人吃飯那場戲, 令戲院內笑聲不絕. 張柏芝復出後, 第一次看她的演出.  她的角色最正常, 在喜劇裡, 就變得平淡了, 但她依然交足功課. 杜汶澤扮女人, 都OKAY, 唱"忐忑",好有喜感.  他跟柏芝去"XX"快餐店吃飯那一場戲, 令人發出會心微笑.

這部電影內的"廣告"都唔少, 媲美去年的"72家租客"