Johnny Depp 繼 "Fear and Loathing In Las Vegas"之後, 再次演出改編自Hunter S. Thompson 小說的電影. 睇雜誌的電影介紹, 原來Johnny Depp 係Hunter S. Thompson 老友, 今次演出之餘, 還出任監製. The Rum Diary講述美國記者 Paul Kemp 六十年代在波多黎各當記者的遭遇, 當地人醉生夢死, 不可以報導政權商人黑暗, 只可以聽到開心消息, 贏比賽, 玩鬥雞, 嘉年華, 喝酒就最開心. 本來以為Paul Kemp都係一名好hea既記者, 宿醉未醒就去上班, 同奸商同流合污, 但原來都有熱血熱腸的時候, 可惜, 形勢比人強, 點同當地既官員及地產商鬥呢? 唯有回國去. 看到Paul Kemp偷走奸商隻遊艇, 揚帆遠去, " 無左個橙, 攞番個桔 " 都唔知係可笑定可悲 ! 故事無 "Fear and Loathing In Las Vegas"玩得咁癲. Johnny Depp飾演既 Paul Kemp可能身處六十年代, 無嬉皮士既作風. 故事比較平舖直述, 如果你唔係Johnny Depp Fans 可能會覺得有點悶 ! 鬥雞, 2人同坐司機位揸車, 巫師施法等已經是整部電影, 較為吸引的地方. 雖然有人認為Paul Kemp幻覺見到"伸俐" 好笑, 講真, 睇過咁多星爺既電影, 呢D位, 仲邊度笑得出? 最搶戲, 唔係Johnny Depp, 係Giovanni Ribisi 飾演既Moburg, 他全片都在醉酒狀態, 但他說的對白, 又好像似醉還醒. 本身是波多黎各人的Amaury Nolasco, 不再是Prison Break那個對朋友真誠及忠誠既Sucre, 今次飾演大奸商, 都入型入格!
沒有留言:
張貼留言